DDSU: Koronavırýstan kóz jumǵandar statıstıkalyq málimetten eki-úsh ese kóp

NUR-SULTAN. QazAqparat – Dúnıejúzilik densaýlyq saqtaý uıymynyń málimeti boıynsha, 2020 jyldyń aıaǵynda koronavırýstan kóz jumǵandar sany kem degende 3 mıllıon adamdy qurady. Alaıda kóz jumǵandar sany bul resmı málimetke qaraǵanda 1,2 mıllıonǵa kóp, dep habarlaıdy QazAqparat VVS-ge silteme jasap.

Dúnıejúzilik densaýlyq saqtaý uıymynyń sarapshylary ózderiniń kezekti jyldyq esebinde ólim jaǵdaılarynyń naqty kórsetkishteri resmı málimetterge qaraǵanda eki-úsh ese joǵary bolýy múmkin degen qorytyndyǵa keldi.

DDSU keıbir elder kóz jumǵandar sanyn júıeli jáne naqty baǵalaı almaıtynyna nazar aýdarady, sondyqtan olar boljamdy esepteýlermen olqylyqtardy toltyrýǵa májbúr. Olardy ártúrli statıstıkalyq ádisterdi qoldana otyryp, sarapshylardyń pikiri men naqty derekterdi qoldana otyryp jasaıdy.

Ólim jaǵdaılarynyń sanyn neǵurlym dáıekti etý úshin DDSU Sovid-19-dan, onyń ishinde ınfektsııanyń janama áserinen bolǵan ólim jaǵdaılaryn baǵalaýdyń jalpy ádisterin jasaıtyn arnaıy keńesshiler tobyn qurdy. Toptyń quramyna álemniń ár túrli elderinen jetekshi demograftar, epıdemıologtar, derekter jáne statıstıka boıynsha mamandar kirdi.

Sarapshylar aımaqtyq erekshelikterdi eskere otyryp, ár el úshin esepteý modelin jasady jáne 2020 jyly tirkelmegen ólim jaǵdaılarynyń sany Soltústik jáne Ońtústik Amerıkada 1,34-1,46 mln, al Eýropada 1,11-1,21 mln. Sáıkesinshe resmı málimetterden 60% jáne 50%-ǵa joǵary. AQSh ótken jyldyń naýryzynan bastap 570 myńnan astam adam kóz jumǵany habarlady, biraq is júzinde Vashıngton ýnıversıtetiniń málimeti boıynsha 900 myńǵa jýyq. Úndistandaǵy naqty statıstıka resmı derekterge qaraǵanda úsh ese joǵary.

Aıta ketsek, Djons Hopkıns ýnıversıteti saıtyndaǵy sońǵy málimetke sáıkes, álem elderinde koronavırýs barlyǵy 165 mln 874 myń 001 adamnan anyqtaldy. 3 mln 438 myń 086 naýqas kóz jumdy.