DDSU: Koronavırýstan qaıtys bolǵandar 4% ósken

NUR-SULTAN. QazAqparat - Sońǵy aptada 16 mıllıonnan astam adam koronavırýs ınfektsııasyn juqtyrdy, 74 myńnan astamy qaıtys boldy.Dúnıejúzilik densaýlyq saqtaý uıymy (DDSU) seısenbi kúni keshke kovıd juqtyrǵandar sany aldyńǵy aptamen salystyrǵanda 19%-ǵa azaıyp, al qaıtys bolǵandar sany 4%-ǵa óskenin málimdedi, dep habarlaıdy QazAqparat reseılik TASS agenttigine silteme jasap.

Uıymnyń aptalyq bıýlleteninde kórsetilgendeı, 7-13 aqpan aralyǵynda COVID-19 vırýsyn juqtyrýshylar sany ótken aptamen salystyrǵanda 19 %-ǵa azaıdy. Olar 16 097 642 adam kovıd juqtyrǵany týraly habarlama alǵan. 74 494 ólim tirkeldi, bul aldyńǵy jeti kúnmen salystyrǵanda 4%-ǵa artyq kórsetkish eken.

Ótken aptamen salystyrǵanda (31 qańtar – 6 aqpan) vırýs juqtyrǵandar sanynyń artýy Tynyq muhıtynyń batys aımaǵynda (19%-ǵa) tirkeldi. Sonymen birge DDU-nyń qalǵan bes aımaǵynda aýrýshańdyq tómendedi. Ásirese aıtarlyqtaı tómendeý Ońtústik-Shyǵys Azııada (37%-ǵa), Amerıkada (32%-ǵa) jáne Afrıkada (30%-ǵa) tirkeldi. Bir aptada álemde jańa ınfektsııalardyń 60% quraıtyn Eýropada bul kórsetkish 16%-ǵa tómendegen. Ólim-jitim Shyǵys Jerorta teńizinde (38%-ǵa), Batys Tynyq muhıtynda (27%-ǵa), Afrıkada (14%-ǵa), Amerıkada (5%-ǵa) jáne Eýropada (1%-ǵa) ósti. Bul rette Ońtústik-Shyǵys Azııada 9%-ǵa azaıdy.

Reseıde bir aptadaǵy eń kóp ınfektsııa juqtyrý (1 323 391) jaǵdaıy tirkeldi. Odan keıin Germanııa (1 322 071), AQSh (1 237 530), Brazılııa (1 009 678) jáne Frantsııa (979 228). Amerıka Qurama Shtattarynda jeti kúnde eń kóp ólim-jitim tirkelgen (17 225). Odan keıin Úndistan (6686), Brazılııa (6658), Reseı (4834) jáne Meksıka (2530).

DDU málimeti boıynsha, 15 aqpanda Máskeý ýaqytymen 19:50-de uıym 412 351 279 vırýs juqtyrǵan jáne 5 821 004 adam qaıtys bolǵany týraly aqparat alǵan. Vırýs juqtyrǵandar sany bir táýlikte 1 469 326-ǵa, qaıtys bolǵandar 7 351-ge ósken.