DDSU qyrkúıek aıynda 47 myńnan astam adam tyrysqaqpen aýyrǵanyn habarlady

<p>ASTANA. KAZINFORM - Qyrkúıek aıynda tyrysqaqpen 47 myńnan astam adam aýyryp, 580-nen astamy qaıtys boldy. Bul týraly Nıger men Taılandta tirkelgen aýrý oshaqtaryna nazar aýdarǵan Dúnıejúzilik densaýlyq saqtaý uıymy (DDSU) habarlady, dep jazady <a href="https://tass.ru/obschestvo/22163839" target="_blank" rel="noopener">TASS</a>.</p>

Dúnıejúzilik densaýlyq saqtaý uıymynyń aqparatyna sáıkes, qyrkúıekte DDSU-nyń úsh aımaǵyndaǵy 14 elde 47 234 tyrysqaq aýrýy jáne 583 ólim tirkelgen. Tamyz aıymen salystyrǵanda osy aıda juqtyrý kórsetkishi 15%-ǵa azaıǵanymen, ólim kórsetkishi 89%-ǵa ósti. Aýǵanstanda tamyz aıynda 17856 adam, Sýdanda – 15047, Pákistanda – 5521, Nıgerııada – 3615, Iemende – 2706 adam aýyrǵan.

1 qańtar men 29 qyrkúıek aralyǵynda dúnıejúzinde 439 724 adam tyrysqaqpen aýyryp, osy aýrýdan 3 432 adam qaıtys boldy. Aýrý oshaǵy ásirese Shyǵys Jerorta teńizi aımaǵynda jáne Afrıkadada tirkeldi. Jyl basynan beri Aýǵanstanda 140 myńnan astam, Pákistanda 60 myńnan astam, Iemende 36 myńnan astam, Kongo Demokratııalyq Respýblıkasynda 25 myńnan astam, Efıopııada 24 myńǵa jýyq jaǵdaı tirkeldi.

Tyrysqaq – tyrysqaq vıbrıonynan týyndaıtyn asa qaýipti juqpaly aýrý. Bul aýrý qozdyrǵyshy aǵzaǵa lastanǵan tamaqpen nemese sýmen túskende paıda bolady.

Osyǵan deıin DDSU-nyń maımyl sheshegimen kúresý úshin 135 mln dollarlyq jahandyq jospardy iske qosqanyn habarladyq.