DDSU: Bir aptada koronavırýstan qaıtys bolǵandar sany 43% artty

JENEVA. TASS-QazAqparat – Ótken aptada álemde 10 mıllıonnan astam adam koronavırýs ınfektsııasyn juqtyryp, 45 myńnan astam naýqas qaıtys bolǵan, dep habarlaıdy QazAqparat.

Bul kórsetkishti aldyńǵy aptamen salystyrǵanda, kóz jumǵandar sany 43 % ósip, ınfektsııanyń 14 % azaıǵanyn ańǵarýǵa bolady.

Dúnıejúzilik densaýlyq saqtaý uıymynyń aptalyq bıýlleteninde aıtylǵandaı, 21-27 naýryz aralyǵynda COVID-19 juqtyrǵandar sany aldyńǵy aptamen salystyrǵanda 14 % tómendedi. Alaıda dál osy kezeńde ólim sany 43 % artty. Bul Amerıka óńiriniń keıbir elderinde (Chılı jáne AQSh) COVID-19 ólimin anyqtaýdaǵy ózgeristerge jáne Úndistan men Ońtústik-Shyǵys Azııa óńirinen alynǵan derekterdi retrospektıvti túzetýge baılanysty bolyp otyr.

«Bir apta ishinde DDSU-ǵa 10 805 132 adamnyń ınfektsııa juqtyrǵany týraly habarlama tústi. 45 711 ólim deregi tirkeldi. Ótken aptamen salystyrǵanda aýrý juqtyrǵandar sany alty óńirde azaıǵan. Ásirese, Shyǵys Jerorta teńizin, Afrıka men Batys Tynyq muhıty óńirin atap ótý kerek. Eýropada 4 % tómendegen. Amerıka men Ońtústik-Shyǵys Azııada kóz jumǵandar sany artty», - delingen bıýlletende.