DDSU basshysy koronavırýsqa qarsy ekpe saldyrtty

NUR-SULTAN. QazAqparat – Dúnıejúzilik densaýlyq saqtaý uıymynyń Bas dırektory Tedros Adanom Gebreıesýs koronavırýsqa qarsy ekpe saldyrtty. Bul týraly ol Twitter-degi paraqshasynda jazdy, dep habarlaıdy QazAqparat.

«Búgin COVID-19 vırýsyna qarsy vaktsına saldyrtýǵa kezegim jetti. Vaktsınalar ómirdi qutqaryp qalady. Olardyń álemniń barlyq bólikterine neǵurlym tezirek jetkizý óte mańyzdy. Eger sizder men sııaqty vaktsına qoljetimdi elde tursańyzdar, kezegińiz kelip tursa, vaktsınalaýdan ótińiz», - dep jazdy DDSU basshysy.

Gebreıesýstyń dál qandaı preparat saldyrtqany týraly naqtylanbaıdy.

DDSU málimetinshe, álemde koronavırýs juqtyrý jáne odan bolǵan ólim oqıǵalarynyń sany sońǵy aptada azaıyp, tıisinshe 5,5 mln-nan astam jáne 90 myńnan astam jaǵdaıdy quraǵan. Atap ótkende, Eýropa jáne Jerorta teńiziniń aımaqtarynda jańa oqıǵalar sanynyń azaıýy baıqalyp otyr. Al Ońtústik-Shyǵys Azııada aýrý juqtyrý jańa oqıǵalarynyń sany 6 paıyzǵa ósken.