DDSU basshysy COVID-19 pandemııasyn baqylaýǵa alý merzimin boljady

NUR-SULTAN. QazAqparat - COVID-19 koronavırýs ınfektsııasyny aldaǵy ýaqytta baqylaýǵa alynatynyn shamalaýǵa negiz bar. Bul týraly Dúnıejúzilik densaýlyq saqtaý uıymynyń basshysy (DDSU) Tedros Gebreıesýs málimdedi, dep habarlaıdy QazAqparat.

«Bizde pandemııany birneshe aıdyń ishinde baqylaýǵa alý úshin arnaıy quraldar bar. Ol úshin biz bulardy ret retimen qoldana bilýimiz qajet», - degen Gebreıesýstiń sózderin keltirdi DDSU saıty .

Sonymen birge, mamannyń aıtýynsha, búkil álemde COVID-19 vırýsynyń 25-59 jas aralyǵyndaǵy adamdar arasynda taralýynyń «qaýipti qarqyny» alańdaýshylyq týdyryp otyr.

19 sáýirde Gebreıesýs álemde koronavırýs ınfektsııasyna shaldyǵý qarqyny segizinshi apta qatarynan ósip jatqanyn málim etti. Onyń aıtýynsha, osy ýaqyt aralyǵynda uıymǵa SARS-CoV-2 vırýsyn juqtyrýdyń 5,2 mln oqıǵasy týraly habarlama kelgen. COVID-19 vırýsyna shaldyqqan patsıentter arasyndaǵy ólim-jitim besinshi apta qatarynan ósip keledi.