DDSU barlyq memleketti COVID-19 jaǵdaılaryn jańasha tirkeýde Qazaqstannyń úlgisin ustanýǵa shaqyrdy

NUR-SULTAN. QazAqparat – DDSU Eýropalyq bıýrosynyń tótenshe jaǵdaılar jónindegi aımaqtyq dırektory Dorıt Nıttsan Qazaqstandaǵy COVID-19 ben pnevmonııanyń biriktirilgen statıstıkasy týraly pikir bildirdi, dep habarlaıdy QazAqparat tilshisi.

«Qazaqstandaǵy COVID-19 boıynsha jaǵdaı jaqsarýda. Juqtyrý jaǵdaılardyń úshten biri sońǵy aptada tirkelgenine qaramastan, tómendeý baıqalady. Memleket birqatar sanıtarlyq sharalardy ázirlep jatyr. Sonymen qatar naýqastardy emdeý jáne aýrýhananyń jaǵdaıyndaǵy ınfektsııany baqylaý sharalaryn jetildirýde. Ásirese, Qazaqstan pnevmonııasy joq patsıentterdi COVID-19 boıynsha DDSU zerthanalarynda testileýge kelisti. Osyǵan uqsas jaǵdaılarda barlyq elge osy jumys ádisin qoldanýǵa keńes beremiz», - dedi onlaın baılanysqa shyqqan Dorıt Nıttsan OKQ alańy arqyly.

Eske sala ketsek Qazaqstanda pnevmonııamen aýyrǵandar KVI juqtyrǵandardyń statıstıkasyna engiziletin boldy. Osylaısha COVID-19 boıynsha jańa statıstıka 1 tamyzdan bastap júrgiziledi.