DAZN Golovkınniń kelesi jekpe-jegi ótetin kúndi habarlady

NUR-SULTAN. QazAqparat – ESPN Deportes tilshisi DAZN strımıng jelisiniń 2020 jyldyń kúzine arnalǵan josparyn anyqtady. Bul týraly QazAqparat Sports.kz-ke silteme jasap habarlaıdy.

Platformanyń jumys kestesinde Gennadıı Golovkınniń (40-1-1, 35 KO) polshalyq mindetti qarsylas Kamıl Sheremetaǵa (21-0, 5 KO) qarsy jekpe-jegi bar. DAZN kezdesýdi qarashada ótkizemiz dep úmittenip otyr.

Golovkın-Sheremeta aıqasy ótetin kún birneshe ret aýysqan, áýelde jekpe-jek aqpanda bolady dep josparlandy, keıin naýryz, maýsym jáne qazanda ótýi múmkin dep boljanǵan. GGG polıak boksshysymen aıqasta orta salmaqtaǵy IBF álem chempıony tıtýlyn qorǵaıdy. Boksshy Kalıfornııa shtatyndaǵy Bıg Bearda daıyndalyp jatsa, Sheremeta óz otanynda jattyǵýyn jalǵastyryp júr.