DAZN Golovkınniń aldaǵy aıqasynyń mańyzdylyǵyn atady

NUR-SULTAN. QazAqparat - DAZN platformasynyń ókili Djozef Markovskı qazaqstandyq boksshy Gennadıı Golovkın men onyń kanadalyq Stıv Rollspen aldaǵy aıqasynyń mańyzdylyǵyn atap ótti. Bul týraly QazAqparat Sports.kz saıtyna silteme jasap habarlaıdy.

«Golovkın men Rolls aıqasy - bizdiń bıznesimiz ben onyń naryqta udaıy damýyna yqpal etetin úlken shara. Tabysty bolý úshin bizde bokstaǵy tanymal esimder kerek, sondyqtan biz Soltústik Amerıkaǵa jumys isteýge tyrysyp jatyrmyz. Bizde Golovkınnen bólek, «Kanelo» men Djoshýa bar. Osy úsh esim qazir bokstaǵy eń tanymaly ekendigine senimdimin jáne olardyń barlyǵy - bizdiń platformada. Olar bizben birge jumys jasaýǵa daıyn», - dedi Markovskı.

Eske sala ketsek, Golovkın - Rolls jekpe-jegi 8 maýsymda Nıý-Iorktegi (AQSh) Madison Square Garden arenasynda ótedi.