DAZN: Golovkın-Derevıanchenko jekpe-jegi qashan jáne qaıda ótedi

NUR-SULTAN. QazAqparat – DAZN strımıngtik platformasy qazaqstandyq boksshy Gennadıı Golovkın (39-1-1, 35 KO) men ýkraınalyq Sergeı Derevıanchenkonyń (13-1, 10 KO), jekpe-jegi jaıynda habar taratty, dep habarlaıdy QazAqparat Sports.kz-ke silteme jasap.

Atalmysh kezdesý 5 qazanda Nıý-Iorktegi (AQSh) MadisonSquare Garden arenasynda ótedi. Jekpe-jek DAZN platformasynan taratylady. Qarsylastar bos turǵan IBF nusqasy boıynshaortasha salmaqtaǵy álem chempıony tıtýlyna talasatyn bolady.

«Big Drama Show qaıta oraldy! Golovkın-Derevıanchenko»,- dep jazady DAZN.

Eske sala keteıik, Golovkın naýryz aıynda DAZN-menalty aıqasty qamtıtyn kelisimshart jasasqan edi. Qazaqstandyq boksshy olardy úshjyldyń kóleminde ótkizýi tıis. GGG-diń seriktestik úshin gonorary 100 mlndollardan astam somaǵa baǵalanady.

Eske salaıyq, Gennadıı alǵashqy jekpe-jegin 8 maýsymdaótkizip, tórtinshi raýndta kanadalyq Stıv Rollsty nokaýtqa túsirdi.