DAZN Gennadıı Golovkınniń basty bes jetistigin atady

NUR-SULTAN. QazAqparat – DAZN platformasy qazaqstandyq boksshy Gennadıı Golovkındi (40-1-1, 35 KO) 38 jasqa tolýymen quttyqtap, onyń sport mansabyndaǵy eń úzdik jetistikterin eske aldy, dep habarlaıdy Sports.kz.

DAZN Golovkınniń basty jetistikterine mynalardy jatqyzady:

- Olımpıadanyń kúmis medali

- 2008-2017 jyldar aralyǵynda 23 nokaýt toptamasy

- orta salmaqtaǵy burynǵy chempıondyq ataq

- tıtýldy 20 ret tabysty qorǵap shyǵýy

- orta salmaq tarıhynda nokaýttardyń eń joǵary paıyzy (89,5%).

Eske sala ketsek, qazirgi kezde Golovkın - IBF nusqasy boıynsha orta salmaqtaǵy álem chempıony, sondaı-aq IBO nusqasy boıynsha burynǵy chempıon. Bıylǵy qyrkúıek aıynda Gennadıı meksıkalyq Saýl Alvarespen (53-1-2, 36 KO) úshinshi ret judyryqtasady dep kútilip otyr.

Parımatch býkmekerlik keńsesiniń bul aıqasqa qatysty boljamy mynadaı: «Kanelonyń» jeńisi - 1.53, Golovkınniń jeńisi - 2.4, teń oıyn - 19.

Aıta keteıik, ekeýiniń arasyndaǵy birinshi jekpe-jek - teń, al ekinshisi - tóreshilerdiń basym bóliginiń sheshimimen Alvarestiń jeńisimen aıaqtalǵan.