Daıana Fedosova Paralımpıadanyń qola júldegeri atandy

<p><strong>ASTANA. KAZINFORM &mdash; Daıana Fedosova XVII jazǵy Paralımpıada oıyndarynyń qola júldesin enshiledi. Bul týraly Týrızm jáne sport mınıstriliginiń baspasóz qyzmeti habarlady.&nbsp;</strong></p>

J2 sanaty boı̆ynsha 57 kelidegi Daıana Fedosova qola júlde úshin beldesýde Túrkııa ókili Dëndıý Eshılıýrtty aı̆qyn jeńip, el qorjynyna kezekti júldeni saldy. 

«Parıjde ótip jatqan jazǵy Paralımpııa oıyndarynyń kezekti jarys kúninde de el qorjyny júldeler túsip jatyr. Para dzıýdodan álem chempıonaty men Azııa oıyndarynyń qola júldegeri Daıana Fedosova bul joly da jankúıerlerdi jeńisimen qýantyp, Paralımpıadanyń qola medalin oljalady. Bul – para dzıýdodan ulttyq qurama sportshylarynyń Parıjde jeńip alǵan ekinshi medaly. Keshe Aqmaral Naýatbek Parıjde Ánuranymyzdy shyrqatyp, el mereıin ósirgen edi. Daıanany Paralımpııa oıyndarynyń júldegeri atanýymen shyn júrekten quttyqtaımyn! Jerlesimizdiń aldaǵy ýaqytta budan da joǵary jetistikterge jetýine tilektespin», - dedi Týrızm jáne sport mınıstri Erbol Myrzabosynov. 

Aı̆ta keteı̆ik, Daıana 2021 jyly ótken Tokıo Paralımpıadasyna da qatysyp, júldege sál jetpeı̆ qalǵan.

Eske salsaq, budan buryn Aqmaral Naýatbektiń jazǵy Paralımpıada oıyndarynyń jeńimpazy atanǵanyn jazǵan bolatynbyz.

Sondaı-aq qazaqstandyq júzý sheberi Nurdáýlet Jumaǵalı Paralımpıadanyń kúmis júldegeri boldy.