Davıd Degtıarev Qazaqstan qorjynyna taǵy bir altyndy saldy

<p>Qazaqstandyq parapaýerlıftıng sheberi Davıd Degtıarev Qytaıdyń Hanjchoý qalasynda ótip jatqan Azııa paraoıyndarynyń chempıony atandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazaqstandyq sportshy 54 kelige deıingi salmaqta úzdik nátıje (úsh áreketten keıin 186 kg) kórsetip, Azııa rekordyn ornatty.

Foto: Týrızm jáne sport mınıstrligi

Qytaılyq ıAn Tszınlan (185), vetnamdyq Ngýen Bın An (184) úshinshi orynnan kórindi.

Paradzıýdodan Tokıo paralımpıadasynyń kúmis júldegeri, 31 jastaǵy Atyraý qalasynyń túlegi Ánýar Sarıev J2 sanaty boıynsha 60 kelige deıingi salmaqta úzdik úshtikke ilikti.

Foto: Týrızm jáne sport mınıstrligi

Ánýar qola júlde úshin básekede London paralımpıadasynyń kúmis júldegeri, qytaılyq Sıýı Chjaodan aılasyn asyrdy.

Á.Sarıev buǵan deıin 2018 jyly Djakartadaǵy Azııa para oıyndarynda komandalyq básekede qola júlde alǵan edi.

Paradzıýdodan batysqazaqstandyq sportshy Rýstam Mámbetqulov J-1 sanaty (eki kózi de tolyq kórmeıtin sportshylar) boıynsha 60 kelige deıingi salmaqta alǵashqy beldesýde qytaılyq Chjý Shıvendi qylǵyndyrý ádisimen jeńdi.

Ekinshi aınalymda qyrǵyz Beksultan Abdýllahımýýlyn da utty. Indonezııalyq palýan Djýnna Edıge ese jiberip qoıyp, jubanysh beldesýde ózbek palýany Dıorbek Maıdonovty keýdeden asyra laqtyryp, qola júlde úshin talasýǵa múmkindik aldy.

Úshinshi orynǵa Iemen eliniń palýany Shýga Samı Alı Navshanmen beldesip, upaı sanymen utylyp, jarysty besinshi orynmen aıaqtady.

Eske sala keteıik, parasportshy Aqmaral Naýatbektiń Azıada chempıony atanǵanyn jazǵan bolatynbyz.