Daýys berý jáne azamattardyń saılaý quqyǵyn júzege asyrýǵa kedergi jasaý faktileri tirkelmedi - QR Bas prokýratýrasy
«Qazaqstan Respýblıkasyndaǵy saılaý týraly» Konstıtýtsııalyq zańǵa sáıkes prokýratýra organdary úshin búgingi kún jumys kúni bolyp sanalady jáne búgin kelip túsken ótinishterdiń barlyǵy shuǵyl sheshiledi. Qazirgi sátte prokýratýra organdaryna daýys berýdi ótkizýdiń sharttaryn buzý, sonymen qatar azamattardyń saılaý quqyqtaryn júzege asyrýǵa kedergi jasaý faktilerin qosa alǵanda qandaı da bir shaǵymdar men aryzdar túsken joq», - dedi N.Súıindikov.
Osy oraıda ol prokýratýra men ortalyq jáne jergilikti jerlerdegi saılaý komıssııalary men múddeli memlekettik organdar turaqty baılanys ornatqanyn atap ótti.
«Saılaý ýchaskelerindegi qoǵamdyq tártipti polıtsııa organdary qamtamasyz etýde. Saılaý naýqany sııaqty daýys berý kúni de belgilengen tártippen eleýli zań buzýshylyqsyz tynysh jaǵdaıda ótýde. Ahýaldy monıtorıngteý jáne saılaý zańdylyǵyn qamtamasyz etý jumysy jalǵasýda», - dedi QR Bas prokýratýrasynyń resmı ókili.