Daýys berý úderisi konstıtýtsııalyq zań talaptary aıasynda ótýde

ASTANA. QazAqparat - Daýys berý úderisi konstıtýtsııalyq zań talaptary aıasynda ótýde. Bul týraly búgin QR Ortalyq saılaý komıssııasynda ótken brıfıngte QR Bas prokýratýrasynyń resmı ókili Nurdáýlet Súıindikov málim etti.

«Jalpy, daýys berý kúni belgilengen tártippen, aıtarlyqtaı zań buzýshylyqsyz ótýde. Daýys berý aıaqtalǵan barlyq ýchaskelerde bul úderis «Qazaqstan Respýblıkasyndaǵy saılaý týraly» Konstıtýtsııalyq zańnyń talaptaryna sáıkes ótti», - dedi ol.

Degenmen, onyń atap ótýinshe, Semeı qalasynyń prokýratýrasyna erli-zaıypty Karpýhınderdiń turǵylyqty jerleri boıynsha ýchaskeniń saılaýshylar tiziminde bolmaýyna shaǵymdanǵan aryzy túsken. Olardyń tıisti aýmaqta turatyndyǵy anyqtalǵannan keıin daýys berý múmkindigi berildi.

«Erli-zaıypty Karpýhınderdiń saılaýshylar tiziminde bolmaýynyń sebepteri anyqtalýda», - dedi N.Súıindikov.