Daýys berý kúninde úgit júrgizgen 5 adam jaýapqa tartyldy - Bas prokýratýra

ASTANA. QazAqparat – Májilis pen máslıhattar depýtattaryn saılaý kúninde úgit júrgizgen 5 adam jaýapqa tartyldy. Bul týraly Bas prokýratýra ókili Azamat Sarǵazın aıtty, dep habarlaıdy QazAparat tilshisi.

«Saılaý bolatyn kúni úgit júrgizgeni úshin ákimshilik quqyq buzýshylyq týraly kodekstiń 102-babymen jaýapqa 5 adam tartyldy. Olardyń ekeýi Shyǵys Qazaqstan oblysynda, al Batys Qazaqstan, Pavlodar jáne Túrkistan oblystarynda bir-birden», - dedi ol Ortalyq saılaý komıssııasyndaǵy brıfıng barysynda.

Bas prokýratýra ókili saılaý komıssııalarynyń 18 múshesi azamattarǵa basqa adam úshin daýys berýge bıýlleten bergenin málim etti.

Buǵan deıin daýys berý kúni oryn alǵan ákimshilik quqyq buzýshylyq sany 40-qa jetkenin jazǵan edik.