Daýys berý bastalǵannan beri yqtımal zańsyzdyqtar týraly 25 ótinish túsken

ASTANA. QazAqparat – Bas prokýratýra ókili Azamat Sarǵazın Qazaqstan telearnasy ótkizip jatqan onlaın telemarafonda saılaý protsesi bastalǵannan berin 25 ótinish kelip túskenin málim etti, dep habarlaıdy QazAqparat tilshisi.

«Daýys berý rásimi bastalǵannan beri prokýratýra organdaryna yqtımal zańbuzýshylyqtar týraly 25 ótinish kelip tústi. Onyń beseýi Bas prokýratýraǵa keldi. Olar tekserý jumystaryn júrgizý úshin jergilikti prokýrorlarǵa joldandy. Sebebi ótinishterde oryn alýy múmkin zańbuzýshylyqtar, naqtyraq aıtsaq, tyıym salynǵan kezde saılaý aldyndaǵy úgitti júrgizgendigi múmkin ekeni jóninde aıtylǵan», - dedi ol.

Sondaı-aq, ol 7 óńirdiń jergilikti prokýratýrasyna adamdar tikeleı júgingenin atady.

«Sondyqtan tekserý júrgizý jergilikti prokýrorlarǵa joldandy. Sondaı-aq, azamattar búgin tikeleı kelesi aýmaqtyq prokýratýralarǵa da júginip otyr. Ol – Astana qalasynda tórteý, Almatyda bir, Shymkent qalasynda úsh, Shyǵys Qazaqstan oblysyda bes, Túrkistan oblysynda tórt, Qaraǵandy, Palvodar, Soltústik Qazaqstan oblystarynda bir-birden. Olardyń bári qazir qaralý satysynda», - dedi Azamat Sarǵazın.