Daýys bergen Qazaqstan jastarynda úmit basym boldy – amerıkalyq baıqaýshy

ASTANA. QazAqparat – Halyqaralyq salyq jáne ınvestıtsııalyq ortalyqtyń prezıdenti, AQSh-tan kelgen halyqaralyq baıqaýshy Denıel Vıtt Qazaqstanda kezekten tys ótken Prezıdent saılaýynda jastardyń róli erekshe bolǵanyn atap ótti , dep habarlaıdy QazAqparat tilshisi.

«Biz 4 saılaý ýchaskesi qalaı jabylǵanyn kórdik. Biz erkin, ádil saılaýǵa baıqaýshy boldyq. Muny halyqaralyq jáne qazaqstandyq táýelsiz baıqaýshylar da rastady. Jergilikti baıqaýshylardyń ortasha jasy 35-ten kishi. Senbi kúninde biz kandıdattardyń ókilderimen kezdesip, «Protses ádil uıymdastyrylyp jatyr ma?» degen suraq qoıdyq. Bári senimdi túrde «ıá» dep jaýap berdi», - dedi AQSh baıqaýshysy.

Sondaı-aq, ol daýys berýshilermen keri baılanys ornatý arqyly jalpy jaǵdaıǵa qanyqqandaryn aıtty.

«Jas saılaýshylarmen, egde jastaǵy saılaýshylarmen suhbattasyp, halyqtyń, ásirese jastardyń, úmiti basym ekenin kórdik. Men qazir jastarǵa basymdyq berip aıtqym keledi. ıAǵnı, 35-ten jas adamdar týraly aıtyp otyrmyn. Olar turaqtylyq, qaýipsizdik jáne táýelsizdik degen uǵymdy ózdiginen bolatyn ıgilik dep qabyldamaıdy. Menińshe, qańtardyń qaıǵyly oqıǵasy osyny jaqsy kórsetken sııaqty. Jalpy óńirdegi jaǵdaıdy eskersek, munyń bári túsinikti. Keshe olar óz daýystaryn úmitke berdi. Bul saılaý qorytyndysymen de úndesedi. Óıkeni, bul – úmitke berilgen daýys, Prezıdent Q.Toqaevtyń óz ýádesin oryndaı alady jáne demokratııalyq reformalardy jalǵastyrady degen úmitke berilgen daýys. Biz keshe demokratııa jolyndaǵy, demokratııaǵa jol alǵan sheshimtal qadam jasaldy dep esepteımiz. Meniń áriptesterim osyǵan kelisedi dep oılaımyn», - dedi Denıell Vıtt.