Daýyl, naızaǵaı, burshaq – 11 óńirde eskertý jarııalandy

NUR-SULTAN. QazAqparat – «Qazgıdromet» RMK 14 maýsymda aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.

Kúndiz Mańǵystaý oblysynyń batysynda, ońtústiginde naızaǵaı kútiledi. Óńirdiń batysynda, soltústiginde, ortalyǵynda shańdy daýyl turady. Soltústik-shyǵystan soqqan jeldiń kúshi 15-20 m/s artady. Kúndiz oblystyń ońtústiginde 38 gradýs qatty ystyq bolady.

Aqmola oblysynyń soltústiginde, ońtústik-shyǵysynda, ońtústik-batysynda naızaǵaı, burshaq jáne daýyl boljanady. Soltústik-batystan soqqan jeldiń ekpini 15-20 m/s jetýi múmkin.

Qaraǵandy oblysynyń soltústiginde, shyǵysynda naızaǵaı oınap, burshaq túsedi. Soltústik-batystan, batystan jel soǵady, jyldamdyǵy 15-20 m/s deıin artady.

Tańerteń jáne kúndiz Qostanaı oblysynyń soltústiginde, shyǵysynda naızaǵaı, burshaq, daýyl kútiledi. Soltústik-batystan jel soǵady, kúndiz óńirdiń soltústik-shyǵysynda, shyǵysynda kúshi 15-20 m/s quraıdy.

Shyǵys Qazaqstan oblysynda naızaǵaı, burshaq, daýyl boljanady. Jel ońtústik-batystan soǵady, naızaǵaı kezinde ekpini 15-20 m/s jetedi.

Túnde Almaty oblysynyń taýly aýdandarynda qatty jańbyr jaýady. 14 maýsymda táýlik boıy naızaǵaı kútiledi. Ońtústik-batystan jel soǵady, naızaǵaı kezinde kúshi 15-20 m/s quraıdy. Óńirdiń soltústiginde jáne shyǵysynda ekpini 25 m/s artady.

Kúndiz Qyzylorda oblysynyń ortalyǵynda shańdy daýyl turady. Jel soltústikten soǵady, kúndiz óńirdiń ortalyǵynda kúshi 15-20 m/s jetedi. Tótenshe órt qaýpi saqtalady.

Pavlodar oblysynyń ońtústiginde, kúndiz oblystyń ortalyǵynda naızaǵaı, burshaq kútiledi. Ońtústik-batystan jel soǵady, naızaǵaı kezinde ekpini 15-20 m/s quraıdy.

Kúndiz Jambyl oblysynyń taýly aýdandarynda qatty jańbyr kútiledi. 14 maýsymda taýly aýdandarda, 15 maýsymda oblystyń soltústik-batysynda, shyǵysynda, taýly aýdandarda naızaǵaı, burshaq, daýyl boljanady. Kúndiz 15 maýsymda jeldiń ekpini 23 m/s deıin jetedi.

Kúndiz Soltústik Qazaqstan oblysynyń basym bóliginde jańbyr boljanady. Oblystyń soltústiginde, batysynda, shyǵysynda naızaǵaı, daýyl, burshaq kútiledi. Túnde jáne tańerteń oblystyń ońtústik-batysynda tuman bolady. Soltústik-batystan jel soǵady, óńirdiń soltústiginde, batysynda, shyǵysynda ekpini 15-20 m/s jetedi.

Túrkistan oblysynyń taýly aýdandarynda naızaǵaı oınap, daýyl turady. Soltústik-batystan jel soǵady, naızaǵaı kezinde ekpini 15-20 m/s quraıdy.