Dáýrendi tize búktirgen ózbek balýanyn Aıbek Nuǵymarov «úıine» qaıtardy

ASTANA. QazAqparat - «Álem barysynda» qazaqstandyq balýan Dáýren Nuralınovty jeńgen ózbekstandyq balýan Mýhsın Hısomıddınov Aıbek Nuǵymarovpen kezdesse, Elaman Erǵalıev ýkraınalyq balýanmen kúsh synasty, dep habarlaıdy «QazAqparat»HAA tilshisi.

Aıbek pen Mýhsınniń kúresi tartysty bastaldy. Tipti birtusta ózbek balýany Aıbekti ádiske salǵandaı kóringen. Alaıda tóreshilerdiń sheshimimen Mýhsınge búk upaı berilip, kezdesý ary qaraı jalǵasty. Shymyr ustasqan qos balýannyń saıysynda Aıbek esepti teńestirip te aldy. Saıystyń sońyna qaraı taǵy bir upaıdy ıelengen Aıbek Mýhsındi qapy qaldyryp, jartylaı fınalǵa joldama aldy.

Kelesi kezekte qazaqtyń taǵy bir myqtysy Elaman Erǵalıev Ýkraınanyń myqtysy Anton Rýdnıktiń jaýyrynyn jer ıisketti. Jartylaı fınalda Elaman Erǵalıev Aıbek Nuǵymarovpen kezdesetin boldy.

Eske sala ketsek, elordadaǵy «Barys Arenada» búgin qazaqkúresinen «Álem barysy» dodasy ótip jatyr. Tartysty básekede Qazaqstannyń bir balýany Dáýren Nuralınov jarystan shyǵyp qaldy. Al qalǵan tórt balýan ErjanShynkeev, Elaman Erǵalıev, Aıbat Seıten súrinbeı keledi.