Dáýren Káripov Qazaqstannyń Latvııadaǵy Elshisi laýazymyna taǵaıyndaldy

<p>Dáýren Káripov<strong data-entity-type="MessageEntityBold"> </strong>Qazaqstan Respýblıkasynyń Latvııa Respýblıkasyndaǵy Tótenshe jáne Ókiletti Elshisi laýazymyna taǵaıyndaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>&nbsp;Aqordanyń baspasóz qyzmetine silteme jasap.&nbsp;</p>

Daýren Aıtbaıuly Káripov 1969 jyly 2 shildede Taldyqorǵan oblysynda dúnıege kelgen. Abylaı han atyndaǵy Qazaq memlekettik álem tilderi ýnıversıtetin bitirgen.

Eńbek jolyn 1994 jyly QR Kólik jáne kommýnıkatsııa mınıstrliginiń mamany retinde bastaǵan. Keıin 1996 jyly Qazaqstan Respýblıkasy Syrtqy ister mınıstrliginiń Bas konsýldyq basqarmasynyń referenti boldy. 1996-1998 jyldary QR SІM Konsýldyq qyzmet departamentiniń attashesi, úshinshi hatshysy boldy. 1998-2001 jyldary QR Germanııadaǵy Elshiliginiń úshinshi hatshysy, al 2001-2003 jyldary QR SІM Konsýldyq qyzmet departamentiniń ekinshi hatshysy boldy.

2003-2007 jyldar aralyǵynda QR Maındaǵy Frankfýrt qalasyndaǵy Bas konsýldyǵynyń úshinshi hatshysy, vıtse-konsýly, konsýly boldy. 2007 jyly QR SІM Konsýldyq qyzmet departamenti basqarmasynyń bastyǵy bolyp taǵaıyndaldy. 2008-2012 jyldary – QR Shveıtsarııadaǵy Elshiliginiń keńesshisi, al 2012-2013 jyldary – QR SІM Konsýldyq qyzmet departamentiniń keńesshisi boldy.

2013-2019 jyldary Germanııada QR Berlındegi Elshiliginiń keńesshisi, keńesshi-ýákili jáne Maındaǵy Frankfýrt qalasyndaǵy QR Bas konsýly qyzmetterin atqardy. 2019-2022 jyldary – Qazaqstannyń Germanııadaǵy Elshisi.

2022 jyldyń maýsymnan bastap Qazaqstannyń Latvııadaǵy Elshisi bolyp taǵaıyndalǵanǵa deıin QR SІM Syrtqy saıası taldaý jáne strategııalyq josparlaý departamentiniń dırektory boldy.

I synypty Tótenshe jáne Ókiletti Ýákil dıplomatııalyq dárejege ıe.

Nemis tilin meńgergen.