Dáýren Eleýsinov tıtýldyq jekpe-jekte ırlandııalyq boksshydan jeńildi

<p>ASTANA. KAZINFORM &ndash; Qazaqstandyq boksshy Dáýren Eleýsinov (11-3-1, 10 KO) Nıý-Iorkte (AQSh) ótken boks keshindegi tıtýldyq jekpe-jeginde jeńilis tapty.</p>

Ol osyǵan deıin jeńilip kórmegen ırlandııalyq Kallým Ýolshpen (9-0, 7 KO) judyryqtasqan (laqap aty – «Korol») edi.

Orta salmaqta ótken aıqas on raýndqa josparlanǵan bolatyn jáne WBC Continental Americas tıtýly sarapqa salyndy. Alaıda jekpe-jek toǵyzynshy raýndta Ýolshtyń tehnıkalyq nokaýtpen jeńýimen aıaqtaldy.

Osylaısha, Kallým Ýolsh úshin bul jeńis kásipqoı mansabyndaǵy onynshy jeńisine jetse, Dáýren Eleýsinov úshin bul – kásipqoı bokstaǵy úshinshi jeńilisi.