Dáýren Eleýsinovtiń kezekti jekpe-jeginiń datasy anyqtaldy
05:04, 02 Qyrkúıek 2022
NUR-SULTAN. QazAqparat – Qazaqstandyq boksshy Dáýren Eleýsinov (10-2-1, 9KO) Almatyda ótetin boks keshinde óner kórsetedi, dep habarlaıdy QazAqparat.
VKontakte áleýmettik jelisindegi «Qazaqstannyń kásipqoı boksy» paraqshasynda málim etilgendeı, boks keshi 2 qazan kúni Balýan Sholaq atyndaǵy Sport saraıynda ótedi.
Sýper orta salmaqtaǵy kezdesý 10 raýndqa eseptelgen. Danııar Eleýsinovtiń qarsylasy ázirge belgisiz. Aıta keteıik, boksshy úshin bul 2022 jyldaǵy ekinshi aıqas bolady. Dáýren Nıý-Iorkte ótken buǵan deıingi jekpe-jeginde amerıkalyq Djýnıor ıÝnannan (17-0-1, 11KO) jeńilgen edi.
Almatydaǵy boks keshiniń uıymdastyrýshysy – Boxing Stars Management.