Dáýren Abaevtan halyqaralyq dálizdi uıaly baılanyspen tolyq qamtamasyz etý suraldy
Bul týraly búgin Májilistiń jalpy otyrysynda QR Aqparat jáne kommýnıkatsııalar mınıstri Dáýren Abaevtyń atyna joldaǵan saýalynda depýtat Gleb Şegelskıı málim etti, dep habarlaıdy QazAqparat.
«Nur Otan» partııasy fraktsııasy janyndaǵy kóliktik-logıstıkalyq ınfraqurylymdy damytý jónindegi komıssııanyń múshelerine «QazAvtojol» Ulttyq kompanııasy» AQ ókilderi usynǵan aqparatqa sáıkes, «Batys Eýropa-Batys Qytaı» halyqaralyq dáliziniń 390 shaqyrymy ınternet jelisimen jáne mobıldi baılanyspen qamtamasyz etilmegen»,-dedi depýtat.
Osy oraıda, ol Almaty, Jambyl oblystaryń keıbir aýmaǵynda, sondaı-aq Aqtóbe jáne Qyzylorda oblystarynyń aralyǵyndaǵy ýchaskede mobıldi baılanysty qamtamasyz etý kerektigin atap ótti.
«Jol ýchskelerinde qys kezinde qandaı da bir baılanystyń bolmaýy qolaısyz saldarǵa alyp kelýi múmkin. Atalǵan málimetti eskere otyryp, Sizden bul máselege tıisti sheshim jasaý múmkindigin qarastyrýdy suraımyz»,-dedi G.Şegelskıı.
Esterińizge sala keteıik, bıylǵy aqpanda Aqparat jáne kommýnıkatsııalar mınıstri Dáýren Abaev jyl sońyna deıin Qazaqstanda uıaly baılanys sapasy men mobıldi ınternettiń sapasy artatynyn málimdegen bolatyn.
«Elimizde ınternet jaqsy damyǵan, ásirese, qalalarda. Biraq, ınternet únemi jetilip turady. Jekelegen máseleler týyndap turady, biz ol máselelerdi sheshýdi myqtap qolǵa alamyz. ıAǵnı, qazir biz búkil Qazaqstan boıynsha radıojıilik stansalaryn salyp jatyrmyz. Osy arqyly sandyq teleradıotaratýǵa kóshemiz de bosaǵan jıilikterdi uıaly operatorǵa beremiz. Uıaly baılanys operatorlary osy jıilikterdiń arqasynda uıaly baılanys pen ınternettiń sapasyn arttyrady»,-degen edi mınıstr.