Dáýren Abaev: Jırınovskııdiń áreketi saıasat emes, shoý ǵana

NUR-SULTAN. QazAqparat – Jırınovskııdiń Qazaqstan týraly málimdemelerine mán berip qaraýdyń qajeti joq. «Ashyq dıalog 2» suhbatynyń kezekti sanynda QR Prezıdent ákimshiligi basshysynyń birinshi orynbasary Dáýren Abaev osyndaı oı aıtty, dep habarlaıdy QazAqparat tilshisi.

«Bilesiz be, bizge Jırınovskııdiń Qazaqstan týraly málimdemelerine baıaǵydan mán berip qaramaý kerek dep oılaımyn. Bul jerde eshqandaı saıasat joq, bastan-aıaq shoý ǵana», - degen Dáýren Abaev bul málimdemelerdiń ar jaǵynda saılaýshylar aldynda upaı jınap qalýy talpynysy jatqanyn aıtty.

«Ony (Jırınvoskıdi -red.) qolǵa qaryndash alyp otyryp tyńdaýdyń qajeti joq. «Popkorn» alyp otyryp tamashalaý kerek. Til máselesindegi, memlekettik saıasat, etnosaralyq qatynastar týraly aıtsaq, Prezıdent keshe bul saýaldardyń bárine núkte qoıyp, taqyrypty japty», - dedi Prezıdent ákimshiligi basshysynyń birinshi orynbasary.