Dáýren Abaev: Vladımır Bojko - Qazaqstannyń naǵyz patrıoty

NUR-SULTAN. QazAqparat – QR Aqparat jáne qoǵamdyq damý mınıstri Dáýren Abaev QR Parlamenti Májilisi tóraǵasynyń orynbasary Vladımır Bojkonyń «tizerlep rahmet aıtý» týraly málimdemesine pikir bildirdi, dep habarlaıdy QazAqparat tilshisi.

Onyń pikirinshe, Vladımır Bojko emotsııaǵa berilip, sátsiz tujyrymdama aıtqan.

«Shyn máninde masyldyqty aıtqysy kelgenin túsinemiz ǵoı. Tek durys sóz tańdamady. Birinshiden, ol - áskerı adam, tike aıtady. Ekinshiden, Vladımır Karpovıch eńbekke erte aralasqan, 11-12 jasynan bastap jumys istegen. Sondyqtan, masyldyqqa jany qas», - dep atap ótti mınıstr «Habar» arnasyndaǵy «Ashyq dıalog» baǵdarlamasynda.

Ol áleýmettik jeli qoldanýshylarynyń V. Bojkony patrıot emes dep aıyptaǵanyn, adamdy eńbegine qaraı baǵalaý qajettigin aıtty.

«Kóptegen qutqarý operatsııalaryn basqaryp, júzdegen qazaqstandyqty ólimnen qutqarǵan adamdy patrıot emes dep aıyptaýǵa bolmaıdy. Ol – qazaq jeriniń naǵyz patrıoty, bul shyndyq», - dedi Dáýren Abaev.