Dáýren Abaev úndistandyq serıaldardan qalaı qutylatynyn aıtty

ASTANA. QazAqparat - Aldaǵy jyly Qazaqstanda sapaly serıaldar túsiriletinine kúmándanbaımyn. Búgin Parlament Májilisindegi Úkimet saǵatynda QR Aqparat jáne kommýnıkatsııalar mınıstri Dáýren Abaev osylaı málim etti, dep habarlaıdy QazAqparat.

«Otandyq telearnalardyń kórsetilimin, sapasyn kóteremiz. Serıaldar túsirilip jatyr, kelesi jyly onnan kem emes sapaly, reıtıngi óte joǵary bolatyn telehıkaıalar túsiremiz»,-dedi D. Abaev.

Vedomstvo basshysynyń sózine qaraǵanda, búginde Úndistan men Koreıanyń serıaldaryna turǵyndar tarapynan suranys bar.

«Bul baǵytta aýqymdy jumystardy atqaramyz. Ásirese, birtindep memlekettik arnalarda sheteldik telehıkaıalardan bas tartatyn bolamyz. Alaıda, qazir suranys bolǵandyqtan, olardy birden aldyrtyp tastasaq, elimizdegi aýdıtorııa sheteldiń arnalaryna ketip qalýy múmkin. Sondyqtan da biz sol teńgerimdi saqtap, tıisti jumystardy iske asyryp, sapany kóterip, aýdıtorııany joǵaltpaımyz dep oılaımyn»,-dedi mınıstr.

Osy oraıda Abaev qazaqstandyq jobalar sany eleýli túrde artatyna toqtala kele, kelesi jyly Qazaqstanda sapaly serıaldar túsiriletinine kúmán joq ekenine, sondaı-aq bul telehıkaıalar aldaǵy ýaqytta shetelge satylatynyn atap ótti.