Dáýren Abaev osy aptada kóńilinen shyqqan jańalyqtardy aıtty
«Búgin Almaty qalasyna koronavırýspen kúresip júrgenderge 1 000 000 AQSh dollary kóleminde gýmanıtarlyq kómek jetkizildi. Ony qazaqstandyq kásipkerler uıymdastyrdy. Bul - dál qazirgi ýaqytta eń kerek kómek», - deıdi QR Aqparat jáne qoǵamdyq damý mınıstri Dáýren Abaev.
Ol Sátbaev atyndaǵy ýnıversıtettiń stýdenti Sanjar Qurmanǵalıuly óziniń týǵan aýyly Jańajolda (Jambyl oblysy) onlaın oqýdy uıymdastyrýǵa kómekteskenin aıtty.
«Onlaın oqýda másele týyndaǵan kezde ol domen jasap, hostıngke aqsha tólep, oqytýshylardy oqytyp, máseleni sheshken. Aýyl turǵyndarynyń oǵan degen alǵysy zor bolady dep oılaımyn. Meniń kóńilimnen shyqqan taǵy bir jańalyq – Nur-Sultan qalasynda «Baýyrsaq» degen keremet chellendj bastaldy. Kómekke muqtaj 200 otbasy, 500 balaǵa baýyrsaq berildi. Sondaı-aq, Ekibastuz qalasynda Máshhúr Júsip atyndaǵy kóshe boıyndaǵy karantınge jabylǵan birinshi podezge sol podezdiń turǵyndary jóndeý jumysyn júrgizgen. Bul - óte jaqsy úlgi», - deıdi ol.