Dáýren Abaev mereıtoılaryn atap ótetin BAQ-tardy marapattady

 ASTANA. QazAqparat - Búgin Astana Media Week aıasynda ótip jatqan forýmda QR Aqparat jáne kommýnıkatsııalar mınıstri Dáýren Abaev birqatar óńirlik BAQ-ty mereıtoılarymen quttyqtap, alǵys hattar tabystady, dep habarlaıdy QazAqparat tilshisi.

Atap aıtqanda, Dáýren Abaev Shyǵys Qazaqstan oblystyq «Rýdnyı Altaı» gazetiniń - 100, «Atyraý» gazetiniń - 95, Aqmola oblystyq «Esil Nura» jáne «Vestı Akmola» gazetiniń - 90, Qyzylorda oblystyq «Jańaqorǵan tynysy» gazetiniń - 85, Almaty oblystyq «Zaman jarshysy» gazetiniń - 85, Pavlodar oblystyq «Aq jol - Novyı pýt» gazeti men Halyq radıosynyń - 80, Qaraǵandy oblystyq «Jańaarqa» gazetiniń - 80, «Vechernıı Almaty» gazetiniń - 50, «Mańǵystaý» gazetiniń - 45, Qaraǵandy oblystyq «Saryarqa» gazetiniń - 45 , «Almaty aqshamy» gazetiniń - 30, Batys Qazaqstan oblystyq «TDK 42» telearnasynyń - 20,  Qostanaı oblystyq «Alaý TV» telearnasynyń 20 jyldyq mereıtoılarymen qutyqtap, BAQ basshylaryna alǵys hattar tabys etti.

Sa  ltanatty shara barysynda sóz alǵan «Almaty aqshamy» gazetiniń bas redaktory Qalı Sársenbaı osymen úshinshi ret ótip otyrǵan «Óńirlik BAQ» forýmy úlken aqparat alańyna aınalǵandyǵyn basa aıtty. 

«Memleket basshysynyń qoldaýymen, Aqparat jáne kommýnıkatsııalar mınıstrliginiń tikeleı uıymdastyrýymen ótip jatqan bul forým elimizdiń medıa keńistigin nyǵaıtýda, damytýda úlken qadamdar jasap otyr. Medıa mádenıetti qalyptastyrýda mundaı forýmdardyń yqpaly óte zor. Ásirese, jergilikti BAQ-tardyń jumysyn damytýǵa da zor serpin bereri sózsiz. Táýelsizdiktiń eleń-alańynda úlken tartyspen, zııaly qaýym ókilderiniń qoldaýymen jaryq kórgen «Almaty aqshamy» gazetine osy forým aıasynda kórsetip otyrǵan qurmetińizge rahmet», - dedi gazet basshysy Aqparat jáne kommýnıkatsııalar mınıstri Dáýren Abaevqa.