Dáýren Abaev koronavırýspen kúresip jatqan mamandarǵa alǵys aıtty
«Qazirgi ýaqytta koronavırýspen kúreste aldyńǵy shepte turǵan mamandarǵa - bizdiń dárigerlerge, tártip saqshylaryna, meıirbıkeler men jedel járdem qyzmetkerlerine taǵy da alǵysym bildirgim keledi. Osyndaı qıyn kúnderi kóptegen adamdar dárigerlerge degen kózqarasyn ózgertip, olardyń qoǵam ómirindegi róli men mańyzyn túsindi. Biz olardyń balalary, týystary men dostary bar ekenin jıi umytyp ketemiz. Osy mamandar aýrý juqtyrý qaterine qaramastan, aıanbaı eńbek etip júr», - dedi mınıstr «Habar» telearnasyndaǵy «Ashyq dıalog» baǵdarlamasynda.
Sonymen birge, mınıstr ózge de salalardyń mamandaryn atap ótti.
«Árıne, polıtsııa men Ulttyq gvardııa qyzmetkerlerin umytpaýymyz kerek. Olardyń qataryna áskerıler qosylyp jatyr. Olar da táýlik boıy sizder men bizdiń qaýipsizdigimizdi kúzetip tur. Sóz sońynda jýrnalısterge de alǵys bildirgim keledi. Qazirgi jaǵdaıda halyqty obektıvti aqparattandyrý jumysy óte jaýapty ári mańyzdy bolyp otyr. Qazir olardyń jumys kestesi tyǵyz ekenin bilemiz, tipti redaktsııada túneýge májbúr. Olardyń jedeldiginiń arqasynda kóp jaǵdaıda dúrligýge jol bermedik», - dedi D. Abaev.