Dáýren Abaev koronavırýs týraly: Daýryǵýǵa negiz joq
«Qytaıdan kelgen azamattardy, sonyń ishinde sýyq tııýge qatysty aýrý belgileri bar naýqastar aýrýhanaǵa jatqyzylýda. Bul - sýyq tııý nemese maýsymdyq tumaý bolýy múmkin. QR Densaýlyq saqtaý mınıstrligi bul adamdardy aýrýhanaǵa profılaktıkalyq maqsatta jatqyzýda», - dedi Dáýren Abaev «Ashyq dıalog» baǵdarlamasynda.
Mınıstr daýryǵýǵa esh negiz joq ekenin aıtty.
«QR Densaýlyq saqtaý mınıstrligi bizdiń áýejaılar men vokzaldarlaǵy sanıtarlyq pýnkterde táýlik boıy baqylaý júrgizýde. Elimizdiń barlyq aımaǵynda osyǵan qatysty oqý-jattyǵý jumystary júrgizildi. Barlyq qyzmet túrleri kúsheıtilgen rejimde jumys isteýde. Úkimet bul vırýstyń bizdiń elde taralmaýy úshin qosymsha sharalar uıymdastyryp jatyr. Bul ekonomıkaǵa nuqsan keltiredi, biraq ult qaýipsizdigi odan mańyzdyraq. Bul jaǵdaı Prezıdenttiń tikeleı baqylaýynda», - dedi ol.