Dáýren Abaev: Kedeılik – úkim de, tańdaý da emes
«Biz – áleýmettik memleketpiz. Muny Prezıdent únemi aıtyp júr. Biraq taıaqtyń ekinshi ushynda ádildik máselesi, qaıyrymdylyq qaıǵıdaty emes, ádildik qaǵıdaty tur. Memleket pen azamattardyń «ymyraly jaýapkershiligi» degen prıntsıp engizilip jatyr. Mysaly, ult saýlyǵy máselesinde memleket medıtsnalyq qyzmetterdiń qoljetimdi ekojúıesin damytýda. Al azamattar óz densaýlyǵyna kóbirek jaýapkershilikpen qaraýy kerek. Batys elderinde medıtsınalyq saqtandyrý quny sportpen aınalysatyn adamdar úshin áldeqaıda arzan. Donorlyq organdar kezeginde de olar basymdyqqa ıe tizimge kiredi», - dedi Dáýren Abaev.
Sonymen qatar ol áleýmettik járedamaqylardyń mólsherin kóterýdiń túbi jappaı masyldyqqa uryndyrýy múmkin ekenin eske saldy.
«Taǵy bir másele, áleýmettik járdemaqyny tabys retinde qabyldaýdy qoıý kerek. Bul bir kezeńde jiberip alǵan tabystyń ornyn basatyn ýaqytsha ótem ǵana. Bizde áleýmettik qoldaý salasyn synaýshylar kóp. Olarǵa salsańyz, tólemderdiń mólsherin arttyrý kerek. Kelisem. Biraq, bir jaǵynan tólemderdiń mólsheri kótergen boıda adamdardyń eńbek etýge degen qulshynysy azaıady. Járdemaqy tabyspen birge ósip otyrýy kerek. Bir jaǵynan bul jaǵymsyz qısyn shyǵar, biraq shyndyq osy. Bizge kedeılik týraly kózqarasty ózgerýt qajet. Kedeılik – úkim de, tańdaý da emes. Bul – ómirdegi kúrdeli kezeń. Adamǵa qıyn kezeńderde tynys alatyn múmkindik kerek. Memleket osy turǵyda qoldaý kórsetýge mindetti bolady», - dedi Prezıdent Ákimshiligi Basshysynyń birinshi orynbasary.