Dáýren Abaev Qarttar úıindegi egde adamdar týraly vıdeorolık jarııalady
16:04, 05 Tamyz 2017
ASTANA. QazAqparat - Aqparat jáne kommýnıkatsııalar mınıstri Dáýren Abaev Facebook-taǵy óz paraqshasynda bizdiń qoǵamdaǵy barynsha ózekti máselelerdiń biri týraly vıdeorolık jarııalady, dep habarlady «QazAqparat» HAA tilshisi.
«Qazaqstanda qarttar úıinde 4200 egde jan - atalarymyz ben ájelerimiz bar. Olar bul ómirdiń mánin túsinedi, al biz...» - degen sózdermen aıaqtalady vıdeorolık.
Qazaqstan qoǵamynda atam zamannan úlkenderge qurmetpen qarap keldik, keńesterin tyńdap, aqsaqaldar daýlardy sheshti. Sońǵy ýaqytta túrli sebeptermen, ókinishke oraı, qarttar úıinde jalǵyzbasty adamdardyń sany artty.