Dáýren Abaev: Gazetter ózektiligin joǵaltpaıdy

ASTANA. QazAqparat - Búgin Parlament Májilisinde Aqparat jáne kommýnıkatsııalar mınıstri Dáýren Abaev tilshilerge baspasóz basylymdaryna májbúrli jazylý máselesine qatysty pikir bildirdi, dep habarlaıdy QazAqparat tilshisi.

«Májbúrlep jazdyrý qadamdaryn qoldamaımyn. Atap aıtqanda, otandyq buqaralyq aqparat quraldaryn damytý úshin jaǵdaı jasaýymyz kerek. ıAǵnı adamdar qoljetimdi túrde osy gazetterdi satyp alý úshin múmkindikter jasalýy qajet. Ekinshiden, qyzyqty kontent úshin de qolaıly jaǵdaı týdyrýymyz kerek. Osy oraıda erikti túrde ǵana jazylý qadamyn qoldaımyn», - dedi mınıstr Májilistegi Úkimet saǵatynan keıin.

Onyń paıymynsha, gazetter óziniń ózektiligin joǵaltpaıdy.

«Meniń oıymsha, gazetterdiń ózektiligi joǵalmaıdy. Osy oraıda zertteýler nátıjesine súıensek, adamdar gazetti oqýǵa, ondaǵy kóterilgen máseleni tereńirek túsinýge kóbirek ýaqyt jumsaıdy. Eger onlaın maqalany adamdar kóz júgirtip 40 sekýndte sholyp shyqsa, al gazette 10 ese uzaq oqıdy. Bul óz kezeginde jarnama berýshiler baspasóz basylymdaryn kóbirek tańdaıtynyn bildiredi»,-dedi Dáýren Abaev.

Bul turǵyda vedomstvo basshysy búginde respýblıkalyq gazetter mazmundyq jaǵynan aıtarlyqtaı ilgerileı túskenen atap ótti.