Dáýren Abaev eńbek demalysynyń bir kúnin realıtı shoýǵa arnaıtyn boldy

ASTANA. QazAqparat - QR Aqparat jáne kommýnıkatsııalar mınıstri Dáýren Abaev eńbek demalysynyń bir kúnin realıtı shoýǵa arnaıtyn boldy. Bul týraly mınıstr óziniń Feısbýktaǵy paraqshasynda habarlady.

«Qurmetti dostar! 29 tamyz kúni Almatyǵa issaparmen barǵanymda "24 saǵat tabıǵat qushaǵynda" dep atalatyn realıtı shoýǵa qatysý turaly usynys túsken bolatyn. Árıne, birden qabyl aldym. Óıtkeni, men aýyl balasymyn. 17 jasyma deıin aýyldyń tirshiligin kórip óstim. Áli de aýylmen baılanysymdy úzbeı kelemin», - dep jazdy ol.

Odan bólek Dáýren Abaev tabıǵat aıasynda 24 saǵatyn ótkizý oǵan esh qıyn bolmaıtynyn aıta ketken.

«Baǵdarlamaǵa qatysý ýaqytyn eńbek demalysyma oraılastyryp otyrmyn. Tabıǵat ananyń qushaǵynda bolý men úshin tańsyq dúnıe emes. Sol sebepten áriptesterimniń usynysyna qarsylyq bildirmedim. Qurban aıt qabyl bolsyn! Elimiz aman, jurtymyz tynysh bolsyn!» - dep túıindegen jazbasyn ol.