Dáýren Abaev elorda ataýynyń ózgerýi tóńiregindegi pikirtalasqa óz oıyn bildirdi

ASTANA. QazAqparat - Aqparat jáne qoǵamdyq damý mınıstri Dáýren Abaev elorda ataýynyń ózgerý tóńiregindegi pikirtalasqa qatysty óz oıyn bildirdi, dep habarlaıdy QazAqparat tilshisi.

«Iá, ataýdy ózgertýge qatysty aıtarlyqtaı pikirtalas bolǵandyǵyn moıyndaý qajet jáne biz belgili bir teris pikirlerdi de kórip otyrmyz. Bul protsesterdiń barlyǵyna belgili bir ýaqyt qajet. Ýaqyt ótsin, sodan keıin munyń barlyǵynyń tolyq beınesin kóretin bolamyz», - dedi mınıstr Úkimet otyrysynan keıin BAQ ókilderine.

Onyń atap ótýinshe, kezinde Aqmola ataýyn Astana dep ózgertýge qatysty da syn-pikirler bolǵan.

«Eger esterińizde bolsa, Aqmola Astana dep ózgergen kezde «endi bizdiń astanamyz - Astana» degen sııaqty áńgime boldy. Ýaqyt óte kele barlyǵymyz da «Astana» brendin jaqsy kórip kettik. Ýaqyt berińizder, odan keıin kóremiz», - dedi Dáýren Abaev.