Dáýren Abaev eldi dúrliktirgen elektrondy úkimet portalyndaǵy kartaǵy qatysty túsinikteme berdi

NUR-SULTAN. QazAqparat - Búgin Ortalyq kommýnıkatsııalar qyzmetindegi brıfıngte QR Aqparat jáne qoǵamdyq damý mınıstri Dáýren Abaev eldi dúrliktirgen elektrondy úkimet portalyndaǵy kartaǵy qatysty túsinikteme berdi, dep habarlaıdy QazAqparat tilshisi.

«Taǵy bir saýal eGov.kz elektrondy úkimet portalyndaǵy shýly kartaǵa qatysty bolyp otyr. Keshe ol dúrbeleń týdyrdy. Óıtkeni, kópshiligi ony vırýstyń taralý kartasy eken dep túsinip qalǵan. Al is júzinde ol jerde negizinen koronavırýspen aýyrǵandarmen baılanysta bolǵan adamdardyń sany kórsetilgen edi. Olardyń barlyǵy da medıtsınalyq baqylaýdan ótken. Eshqaısysynan koronavırýs ınfektsııasy tabylmaǵan. Daýryǵýǵa esh sebep joq. Qazirgi ýaqytta karta barynsha túsinikti bolýy úshin jetildirilip jatyr», - dedi Dáýren Abaev.

Aıta keteıik, keshe eGov.kz elektrondy úkimet portalynda elimizde koronavırýstyń taralýyn, onyń ishinde halyq úshin qaýipti aımaqtardy kórsetetin karta paıda bolǵan edi.