Dáýren Abaev: Donald Tramptyń Nursultan Nazarbaevty Vashıngtonǵa shaqyrýy - ıgiliktiń nyshany
«Bireýmen telefon arqyly tildesýdi aıtsań, eshkim eleńdemeıdi. Biraq memleket basshylarynyń bir-birimen telefonmen sóılesýi - tolyqqandy kezdesýmen birdeı. Óıtkeni onda kóptegen máseleler talqylanady. Ol máselelerdi syrtqy saıasat vedomstvolary aldyn-ala daıyndaıdy»,- dep túsindirdi istiń mánisin mınıstr. Telefondaǵy tildesýdi júzege asyrý úshin eki el dıplomattary qyrýar uıymdastyrý is-sharalaryn atqarǵan.
«Telefondaǵy tildesýdi prezıdentterdiń jumys kestesine engizýdiń ózi qıyn is. Vashıngton men Astananyń arasyndaǵy 12 saǵattyq aıyrmashylyq telefon qońyraýynyń naqty kúni mn ýaqytyn sınhrondaýdy talap etedi. Bul ońaı sharýa emes. Dıplomatııada biz bile bermeıtin keıbir jaıttar bar. Mysaly, telefonmen tildesý AQSh prezıdentiniń bastamasymen júzege asyryldy. Bul da mańyzdy»,- dedi Dáýren Áskerbekuly.
Mınıstrdiń aıtýynsha, telefondaǵy tildesýde qos tarap úshin qandaı máselelerdiń talqylanǵany asa mańyzdy. «Telefondaǵy tildesýge ne nárse túrtki boldy? AQSh prezıdenti D. Tramp EKSPO-ǵa amerıkalyq delegatsııany jibergen bolatyn. Sol kezdegi áserli kezdesýlerdiń nátıjesinde eki el basshylary telefonmen sóılesti. Buǵan qosa, áńgime barysynda AQSh basshysy Nursultan Nazarbaevty Vashıngtonǵa resmı saparmen kelýge shaqyrdy. Bul - ıgiliktiń nyshany»,-dep sózin túıindedi vedomstvo basshysy.
Eske sala keteıik, aǵymdaǵy jyldyń 1-shi qyrkúıeginde amerıka tarabynyń bastamasymen eki el basshylary telefonmen sóılesti. Sóılesý barysynda Donald Tramp Nursultan Nazarbaevty «EKSPO-2017» halyqaralyq kórmesin tabysty ótkizýimen quttyqtap, osy sharaǵa amerıkalyq delegatsııanyń qatysýyn joǵary baǵalady.
Qazaqstan prezıdenti Nursultan Nazarbaev óz sózinde elimizde 29 tamyzda tómen baıytylǵan ýran bankin ashýdyń mańyzdylyǵyna nazar aýdaryp, bul jahandyq qaýipsizdikti nyǵaıtýǵa jasalǵan qadam ekenin atap aıtty. Eki el basshylary áńgime barysynda amerıka-reseı qarym-qatynastaryna erekshe toqtaldy. Nursultan Nazarbaev Máskeý men Vashıngtonnyń arasyndaǵy dıalogtyń qalpyna keletinine senim bildirdi.
Qazaqstan Úkimeti Dúnıejúzilik jabaıy tabıǵat qorymen jáne geografııalyq qoǵammen birlese otyryp, turan jolbarysyn qalpyna keltirý jónindegi jobany qolǵa alady. Aqparat jáne kommýnıkatsııalar mınıstri Dáýren Abaevtyń paıymdaýynsha, bul qoǵamnyń nazaryn aýdararlyq oqıǵa. «Balqash jolbarysynyń tuqymyn qalpyna keltirý úshin, qyrýar jumys jasalady. Eń áýeli ekojúıeni qalpyna keltirý kerek. Іsti nólden bastaımyz. Bul jobanyń mańyzy óte zor. Keleshek urpaqtar bizge alǵys aıtatyny sózsiz»,- dep málimdedi mınıstr «Habar» telearnasyndaǵy «Otkrytyı dıalog» baǵdarlamasynda.
Onyń aıtýynsha, álemdegi eń iri sútqorektini qalpyna keltirý jobasyn qolǵa alǵan ári jalǵyz, ári biregeı el - Qazaqstan. «Eger qupııamen bólisetin bolsma, osynaý izgilikti istiń bastamashysy - Nursultan Nazarbaev. Ol óziniń osy sharýasyn jarııa qylǵysy kelgen joq. Alaıda men Elbasynyń Úkimetke osy másele boıynsha tapsyrma bergenin óz kózimmen kórdim»,- dedi Dáýren Abaev.