Dáýren Abaev: Barlyq telearnalar áleýmettik jarnama kórsetýge mindetteledi
«Bizdiń mınıstrlik protsesterdiń avtomattandyrylýy turǵysynan úlken jumys júrgizip jatyr. Avtomattandyrý arqyly qajetsiz qaǵazdar men anyqtamalardyń kózi joıylady. Demek, adam faktorynyń aralasýyn shekteımiz. Avtomatpen anyqtama berý basqa memlekettik organǵa tapsyrylady. Sonymen birge, balama anyqtamalardy alyp tastaý boıynsha úlken jumys júrgizilip jatyr. ıAǵnı, adamdar buryn anyqtamany ákimdikten de, Halyqqa qyzmet kórsetý ortalyǵynan da alyp júrse, bul qujatty ol budan bylaı tek HQKO-nan ǵana alatyn bolady», - deıdi mınıstr.
Dáýren Abaev óz sózinde budan bylaı halyq ákimdikke barmaı-aq, HQKO-daǵy operatordan qajetti anyqtamany alatynyn atap ótti.
«Aqparattandyrý boıynsha aıtarym. Qazirgi ýaqytta Májiliste jarnama týraly zań qaralyp jatyr. Bul zań jobasynyń azdaǵan «tóńkeristik» tusy bar. Demek, praım-taım kezinde biz barlyq telearnalarǵa áleýmettik tegin jarnama kórsetýge mindetteımiz. Mundaı norma buryn bolmaǵan», - deıdi Dáýren Abaev.
Mınıstrdiń aıtýynsha, qazirgi ýaqytta áleýmettik jarnamalar tek memlekettik telearnalarda kórsetiledi.
«Demek, áleýmettik jarnamalardy kórsetý jeke telearnalardy da qamtıdy. Praım-taım kezinde, ıaǵnı keshki saǵat 18:00-21:00 ýaqyty aralyǵynda barlyq telearnalarda kem degende bir nemese, eki áleýmettik jarnama kórsetiletin bolady. Osylaısha, biz tek qana Otanǵa degen mahabatty ǵana emes, sybaılas jemqorlyqty qabyldamaý mádenıetin nasıhattaıtyn bolamyz. Sonymen birge, áleýmettik jarnama tek jaǵymdy bolýy kerek. Onda «Paraqorlyq toqtasyn» dep aıqaılaý bolmaıdy, jarnamalar oń úlgiler arqyly jemqorlyqqa qarsy mádenıetti nasıhattaýǵa septigin tıgizedi», - deıdi Dáýren Abaev.