Dáýren Abaev: «Balapan» arnasy anımatsııalyq kúı dástúrin jalǵastyrmaq

ASTANA. QazAqparat - QR Aqparat jáne kommýnıatsııalar mınıstri Dáýren Abaev «Balapan» arnasyndaǵy «Qońyr qaz» jobasyn tanystyrdy, dep habarlaıdy QazAqparat tilshisi. Mınıstr Feısbýktegi paraqshasynda anımatsııalyq týyndynyń vıdeosymen bólisti.

«Qazaqstan» RTRK «Balapan» telearnasy «Qońyr qaz» jobasyn nazarlaryńyzǵa usynady. Joba arqyly qazaq mýltıplıkatsııasynyń atasy Ámen Qaıdarovtyń «Aqsaq qulanymen» bastalǵan anımatsııalyq kúı dástúrin qaıta jalǵamaqshymyz. Joba aıasynda Qurmanǵazy, Dáýletkereı, Qazanǵap, Dına, Súgir, Yqylas sııaqty dáýlesker kúıshilerimizdiń klassıkalyq týyndylary anımatsııalanady», - dep jazady Dáýren Abaev.

«Qońyr qaz» toptamasy 2D janrda, elimizdiń belgili mamandarynyń qatysýymen júzege asqan.

«Ár bólimge mádenıettanýshy Zıra Naýryzbaeva arnaıy stsenarıı ázirlegen. Jobanyń qoıýshy rejısseri - Dılshat Rahmatýllın. Basty maqsat - Uly dala murasyn urpaq sanasyna sińirý», - dep jazady mınıstr.