Dáýren Abaev BAÁ-de ekijaqty kezdesýlerdi ótkizdi

ASTANA. QazAqparat - QR Aqparat jáne kommýnıkatsııalar mınıstri Dáýren Abaev Dýbaıda The World Government Summit-tiń ótkizilýi sheńberinde Birikken Arab Ámirlikteriniń Ekonomıka mınıstri Sultan ıbn Saıd ál-Mansýrı myrzamen kezdesý ótkizdi. Bul týraly mınıstrliktiń baspasóz qyzmeti habarlady.

Kezdesý barysynda Dáýren Abaev tsıfrlandyrý salasyndaǵy tájirıbemen, «Tsıfrlyq Qazaqstan» baǵdarlamasymen bólisip, Smart-city damytý sheńberinde Astana habyn qurý týraly aıtyp berdi. Taraptar tsıfrlyq transformatsııany ilgeriletýge jáne damytýǵa baǵyttalǵan IT jáne joǵary tehnologııalar salasynda ózara yntymaqtastyq týraly kelisti.
 

Budan basqa, Dáýren Abaev BAÁ Baqyt mınıstri Ohýd Ál-Rýmımen kezdesti. Taraptar halyqqa memlekettik qyzmetter kórsetý, usynylatyn rásimderdi jeńildetý protsesin jańǵyrtý salasyndaǵy, sondaı-aq memlekettik qyzmetter salasyndaǵy menedjment máseleleri boıynsha ekijaqty yntymaqtastyq jáne ilgeriletý máselelerin talqylady.