Dáýren Abaev: Azamattyq qoǵamdy damytý salasynda tereń reforma júrgizýge nıettimiz
Mınıstr Qazaqstan ózindik júıeli sharalardy qolǵa alyp jatqanyn tilge tıek etti.
«Biz ekonomıkany tsıfrlandyrýdy qolǵa aldyq. Bul protseske jastardy keńinen tartyp jatyrmyz. Qazaq halqynyń dástúrli qundylyqtaryn qazirgi zamannyń kózqarasymen úılestirý úshin «Rýhanı jańǵyrý» baǵdarlamasy júzege asyrylýda. Úshinshisi - Qazaqstan Prezıdenti halyqqa qulaq asatyn memlekettiń tujyrymdamasyn jarııalady. Onyń negizinde bılik pen adamnyń ádilet, ashyqtyq jáne senim qaǵıdattary aıasyndaǵy ózara is-qımyly jatyr», - dedi Dáýren Abaev.
Mınıstr Qazaqstanda júzege asyrylyp jatqan «Prezıdenttik kadr rezervi» jobasy memlekettik júıeniń basqarýshylyq quramyn jas, shyǵarmashyl jáne ór jastardyń esebinen jańartýǵa baǵyttalǵanyn atap ótti. Onyń aıtýynsha, 2020 jyl - Qazaqstanda volonterler jyly dep jarııalanǵan.
«Búgin Uly Otan soǵysyndaǵy jeńistiń 75 jyldyǵy qarsańynda qazaqstandyq-reseılik volonterlik jobalardy júzege asyrý týraly kelisimge qol qoıyldy. Bul - urpaǵynyń beıbit ómiri úshin janyn bergen jandardyń urpaǵy - bizder úshin asa mańyzdy baǵyt. Sonymen birge biz birlesken jobalardyń taqyryptaryn keńeıtýdi usynamyz », - dedi D.Abaev.
Ol volonterlik jastardyń jumysqa ornalasýynyń bir túri ekenin, onyń ózektiligi arta túsetinin jetkizdi.
«Memleket jumystan tys ýaqytta azamatty smartfonmen ǵana ońasha qaldyrmaýy kerek. Bul únemi narazylyqty, áńgimelesýshini tyńdaı almaı, daý úshin pikirtalasqa beıim bolýdy, basqa adamdardyń quzyreti men nátıjelerin baǵalamaýdy ómir saltyna aınaldyrýy múmkin. Ókinishke qaraı, popýlıstik urandar men demagogtar túrindegi jelilik mazmun dál osyǵan negizdelgen. Osyǵan baılanysty biz Prezıdenttiń atynan azamattyq qoǵamdy damytý salasynda tereń reformalar júrgizýge nıettimiz jáne reseılik áriptesterimizben birge jumys isteýge daıynbyz», - dep túıindedi D. Abaev.