Dáýren Abaev astananyń aýysýy aýmaqtyq tutastyqqa qalaı áser etkenin aıtty

NUR-SULTAN. QazAqparat – QR Prezıdenti ákimshiligi basshysynyń birinshi orynbasary Dáýren Abaev Táýelsizdiktiń 30 jyldyǵyna arnalǵan ǵylymı-praktıkalyq konferentsııada memlekettiliktiń bes belgisin atady, dep habarlaıdy QazAqparat tilshisi.

«Elbasynyń parasattylyqqa negizdelgen strategııasy kúrdeli kezeńderdi artqa tastap, Qazaqstandy damýdyń dańǵyl jolyna bastady. Jasampazdyqqa toly jyldardyń bul úrdisi Memleket basshysy Qasym-Jomart Toqaevtyń saıasaty arqyly búgin de jalǵasyp keledi. Osy úsh onjyldyqtyń kezeńinde biz qoǵamnyń kemeldenýine qol jetkizdik jáne ózimizdiń ómirlik keńistikterimiz ben belgilerimizdi aıqyndadyq. Onyń birinshisi – memlekettiń zaıyrlylyǵy. Ekinshisi – qazaqstandyq birtektilik jáne ǵasyrlardyń túp tamyrynan boı alatyn dástúrlerdiń sıntezi men postındýstrıaldy qoǵamnyń zamanaýı qundylyqtary. Úshinshisi – ekonomıkalyq baqýat pen ınvestıtsııalyq tartymdylyq. Tórtinshisi – aýmaǵymyzdyń tutastyǵy», - degen Prezıdent ákimshiligi basshysynyń birinshi orynbasary aýmaqtyq tutastyqty saqtaýda el astanasynyń aýysýy sheshý ról atqarǵanyn eske saldy.

«Aýmaqtyq tutastyq – qoǵam damýynyń basty sharty. Aýmaqtyq tutastyqty sátti ıgerýdiń aıqyn kórinisi – astanamyzdyń aýysýy. Saıası ortalyqtyń georafııalyq ortalyq turǵysynan tańdalýy qazaqstandyqtyq birtektilikti nyǵaıta tústi. Nur-Sultan qalasy damý núktesi ǵana emes, jańa óńiraralyq baılanystardyń qaınaǵan qazanyna aınaldy deýge bolady. Besinshisi – bolashaǵymyzdyń ortaqtyǵy», - dedi Dáýren Abaev.