Dáýren Abaev Astana protsesiniń kezekti raýnd qorytyndysyna pikir bildirdi
«Sırııada úlken soǵystyń júrip jatqanyn ańǵarýymyz qajet jáne maıdan komandırleri qatysyp jatqan Astana protsesiniń ózi úlken jetistikti bildiredi. Eń bastysy olar (protsess qatysýshylary - red.) bir-birimen betpe-bet júzdesti jáne ózara sóılesýdi bastady. Ádette ózge shıelenisterde qarama-qarsy eki tarap qana bolatyn, al Sırııa máselesiniń aıyrmashylyǵy sol, munda til tabysa almaǵan birneshe tarap bar. Sol sebepti, bul protsestiń ońaı bolmaıtyny anyq. Hımııalyq shabýyl dep atalatyn oqıǵadan soń, Astana protsesiniń damýyna eshkim senbedi. Memleket basshysynyń abyroı-bedeliniń arqasynda ǵana protsess júrip jatyr», - dedi Dáýren Abaev «Habar» telearnasyndaǵy «Ashyq dıalog» jobasynda.
Mekeme basshysy AQSh-tyń óz ókiliniń mártebesin memlekettik hatshynyń kómekshisi laýazymyna deıin kótergenin atap ótti.
«Men Astana protsesiniń Iran boıynsha Almaty kelissózderi jáne Memleket basshysynyń barlyq bitimgerlik ıdeıalary sekildi tarıhta qalaryna senimdimin», - dep mınıstr óz sózin túıindedi.
Atap ótken jón, Qazaqstan astanasynda Sırııadaǵy shıelenis boıynsha kelissózderdiń úsh raýndy ótti. Alǵashqysy 23-24 qańtar kúnderi, ekinshi kezeń 16 aqpanda ótti.
3-4 mamyr kúnderi Astana protsesiniń tórtinshi raýndy ótti. Onda 2016 jyldyń 30 jeltoqsanynda jarııalanǵan atysty toqtatý týraly rejimdi qoldaýǵa arnalǵan saıası sheshimdi izdestirý joldary qarastyrylyp, osyǵan oraı janjaldasýshy taraptar paıdalanýy yqtımal senim sharalary daıyndaldy. 15 naýryz kúni ótken úshinshi raýndta sırııalyq qarýly oppozıtsııa kezdesýge kelmedi. Tórtinshi raýnd 3-4 mamyr kúnderi ótti.