Dáýren Abaev áleýmettik jeliniń buǵattalýyna qatysty pikir bildirdi
11:50, 14 Mamyr 2019
NUR-SULTAN. QazAqparat - QR Aqparat jáne qoǵamdyq damý mınıstrliginiń áleýmettik jeliniń buǵattalýyna esh qatysy joq. Bul týraly búgin Úkimet otyrysynan keıin BAQ ókilderiniń saýalyna jaýap bergen atalǵan vedomstvonyń basshysy Dáýren Abaev aıtty, dep habarlaıdy QazAqparat tilshisi.
«Aqparat jáne qoǵamdyq damý mınıstrligi baılanysqa jaýap bermeıdi, ıaǵnı qyzmetine kirmeıdi. Qazir men laıyqty deńgeıde pikir bildire almaımyn. Biraq, shynymen de pravaıderler tehnıkalyq aqaýlardyń bolǵanyn aıttyp otyr. Qandaı tehnıkalyq problemanyń bolǵanyn solardan suraý kerek», - dedi mınıstr.
Sonymen qatar, ol aldaǵy ýaqytta mundaı problemanyń bolmaýy tıistigin basa aıtty.
«9 mamyrda baıqalǵan problemalar 9 maýsymda taǵy qaıtalanady dep oılamaımyn. Óıtkeni, provaıderler ol ýaqytqa deıin tehnıkalaryn jóndep úlgerer», - dedi D.Abaev.