Dáýren Abaev álemge áıgili PR-mamanynyń Almaty týraly suhbatyna qatysty pikir bildirdi

NUR-SULTAN. QazAqparat - QR Aqparat jáne qoǵamdyq damý mınıstri Dáýren Abaev álemge áıgili PR-mamany Marıon Zaltsmannyń Almaty týraly suhbatyna qatysty oıyn aıtty, dep habarlaıdy QazAqparat tilshisi.

Dáýren Abaev Gennadıı Golovkın men Qazaqstan fýtbol quramasynyń jeńisin ótken aptanyń eń bir jarqyn sáti dep baǵalady.

«Fılıpp Morıs» kompanııasynyń vıtse-prezıdenti Marıon Zaltsmannyń ótken aptadaǵy suhbaty erekshe esimde qaldy. Ol Qazaqstanǵa birinshi ret kelipti. Ózi suhbatynda mundaı Almatydaı ádemi qalany óte sırek kezdestirgenin aıtqan. Qazaqstan týraly, Almaty týraly aqparatty kóp izdegenin aıta kelip, «Sofııany kóremin dep kútken edim. Biraq men San-Frantsıskony kórgendeı bolyp qaıttym» depti. Álemniń kóptegen qalalaryn kórgen tanymal mamannyń bul pikiri úlken lebiz dep oılaımyn», - dedi mınıstr.