Dáýren Abaev aqparattyq jala úshin Eýropada qandaı jaza qoldanylatynyn aıtty
«Birinshiden, bizdiń zańnama aqparattyń jala máselesin, ondaı zańbuzýshylyqtyń aýyrtpalyqtaryn baısaldy, oıǵa qonymdy retteı alatynyn qaıtalaı keteıin. Biz bul joly quqyqtyq qoldaný praktıkasyn jetildirýge kóbirek baǵyt alyp otyrmyz. Ekinshiden, áıteýir Germanııa týraly aıtylǵan eken, atalmysh eldiń Qylmystyq kodeksinde medıany paıdalana otyryp jala taratqany úshin 5 jylǵa deıin bas bostandyǵynan aıyrý jazasy qarastyrylǵan. Úshinshiden, 50 mln eýroǵa deıingi aıyppuldyń ózektiligine keler bolsaq, men arnaıy qarap shyqtym. Germanııanyń 2017 jylǵy áleýmettik medıadaǵy quqyqtyq paıdalanýdy jetildirý zańynda osyndaı shara qarastyrylǵan», - dedi mınıstr «Habar» arnasyndaǵy «Ashyq dıalog» baǵdarlamasynda.
Vedomstvo basshysynyń sózine qaraǵanda, atalmysh zańbuzýshylyq úshin Sıngapýr, Frantsııa, Shveıtsarııa elderinde de ájeptáýir qatań sharalar qarastyrylǵan.