Dáýletkereı Kápuly qandastarǵa qatysty birqatar problemalardy atady
«Aýyl» halyqtyq-demokratııalyq patrıottyq partııasynyń saılaýaldy tuǵyrnamasynda «Qandasym - qamalym» deıtin tamasha, qyldan názik, jipten jińishke tus bar. Bul tus osy shetelden kóship kelip jatqan qandas baýyrlarymyzǵa qatysty. Áıteýir, Prezıdenttiń Jarlyǵymen «qandas» dep bekitip aldyq. Sol qandastardyń sharýasymen «Aýyl» partııasy aınalysyp jatsa quba-qup», - dedi ol «Aýyl» halyqtyq-demokratııalyq patrıottyq partııasynyń kezekten tys XVIII sezinde.
Osy rette Dáýletkereı Kápuly shetelden tarıhı Otanyna kóship kelgen qandastarymyz tap bolyp otyrǵan keıbir máselege toqtaldy.
«Bul - qujat máselesi. Qazaqstanǵa kóship kelgennen keıin óziniń qazaq ekenin dáleldeý úshin qujat aldyrý deıtin soraqy dúnıe bar. Bul mysaly Aýǵanstan qazaqtarynyń, Túrkııa qazaqtarynyń úlken problemasyna aınalǵan. Al Qytaıdan kóship kelip jatqan qazaqtardyń sottalmaǵan deıtin qujatyn azamattar «oıbaılap, aıǵaılap» júrip aldyryp tastady. ıAǵnı, kóship kelgen qazaqtardyń basyndaǵy basty problema - eń birinshi azamattyqqa ne bolmasa yqtııar hat alýǵa tom-tom qaǵaz jınaý», - dedi Nur-Sultan qalalyq fılıalynyń tóraǵasy.
Sonymen qatar ol qandastarymyzǵa salynǵan úılerdiń sapasy syn kótermeıtindigin de basa aıtty.
«Óskemenniń qasynda «Nurly besik» deıtin aýyl salyndy. Qanshama baýyrym, quda-jekjattarym, tamyr-tanystarym turady. Soǵan baryp kórdim. Qystygúni adam turǵysyz. Dál sol jaǵdaı Soltústik Qazaqstannyń irgesindegi «Báıterek» aýylynda da qaıtalanady. Ne bolmasa Kókshetaýdyń qasyndaǵy «Krasnyı ıardaǵy» úılerdiń barlyǵy penoplastan salynǵan. Bul bıliktiń kinási emes. Ony ortadaǵy jemqorlardyń jasap otyrǵan dúnıesi ekendigin aıtpasqa bolmaıdy. Sondyqtan «Aýyl» partııasy osyndaı túıtkildi máselelerdi bıik minberden aıta alatyndaı kúnder bolyp jatsa, men sizderdiń ortalaryńyzda barmyn», - dedi Dáýletkereı Kápuly.