Bostandyǵy shektelgen Dáýlet Turlyhanovtyń uly túngi 3-te kóshede ne istep júr
«Tańerteń Direct-ke osyndaı vıdeo keldi. Onda Májilis depýtaty Dáýlet Turlyhanovtyń uly Nurasyl Bolattyń turǵanyn kórdim. Onyń bostandyǵy shektelgen jáne oǵan qosymsha talaptardy oryndaý júktelgen. Biraq, vıdeodan onyń zańǵa qaıshy áreket etip, talaptardy saqtamaǵanyn baıqaýǵa bolady», - dep jazdy zańger Anna Chernova Instagram-daǵy paraqshasynda.
Oqıǵanyń mán-jaıyn bilý maqsatynda Qylmystyq-atqarý júıesi komıtetine júgingen edik.
«N. Bolatqa qatysty úkimdi oryndaý probatsııa qyzmetine (tirkelgen mekenjaıy boıynsha) bıyl 14 tamyzda kelip tústi. Zańnamaǵa sáıkes probatsııalyq baqylaý sottalǵan adamdy esepke alǵan sátten bastap júzege asyrylady», - degen jaýap aldyq komıtettiń baspasóz qyzmetinen.
Eske sala keteıik, 2023 jyly aqpanda Nurasyl Bolat Almatyda zańger Anna Dmıtrıevıch pen onyń kúıeýi Oleg Chernovty soqqyǵa jyqqan edi. Keıin sport qaıratkeri Dáýlet Turlyhanov balasynyń buzaqylyq áreketine baılanysty pikir bildirdi. Odan bólek, Dáýlet Turlyhanov ulynyń isine aralaspaıtynyn aıtty.
Al, ótken jyly 2 shilde kúni ol merzimdi áskerı boryshyn ótep jatqan jeri – Qonaev garnızony áskerı bólimderiniń birinen qashyp ketken bolatyn. Keıin kóp ótpeı tabylyp, qyzmet atqaratyn ornyna jetkizildi. Almaty garnızony bólim bastyǵynyń buıryǵyna baǵynbaǵany jáne oryndamaǵany úshin ákimshilik jaýapkershilikke tartyldy.
2023 jyly 9 qazanda Dáýlet Turlyhanovtyń ulyna sot úkimi shyqty. Prokýror sottalýshy B-ǵa 1 jyl 6 aı bas bostandyǵyn shekteý túrinde jaza taǵaıyndaýdy surady.
Bıyl mamyrda Joǵarǵy sot Dáýlet Turlyhanovtyń ulyna kesilgen úkimdi ózgertti. Sodan soń Dáýlet Turlyhanov ulynyń sot úkimine qatysty pikir bildirdi.