Dáýlet Turlyhanov jańa qyzmetke saılandy

<p>Májilis depýtaty Dáýlet Turlyhanov &laquo;Dınamo&raquo; dene shynyqtyrý-sport qoǵamy tóralqasyna múshe bolyp saılandy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Astanada «Dınamo» SQ-nyń kezekten tys konferentsııasy ótip, onda tóralqanyń jańa quramy men osy sport qoǵamynyń tóraǵasy saılandy. Otyrys qorytyndysy boıynsha «Dınamo» qoǵamynyń basshysy bolyp Іshki ister mınıstri Erjan Sádenov saılandy. Men tóralqaǵa otyrý qurmetine ıe boldym. Sondaı-aq konferentsııaǵa qatysýshylar prezıdıýmǵa ataqty sýǵa júzgish, «Rıo-2016» Olımpıadasynyń chempıony Dmıtrıı Balandındi saılady», – dep jazdy Májilis depýtaty Facebook-paraqshasynda.

Onyń atap ótýinshe, kelesi jyly «Dınamo» 100-jyldyq mereıtoıyn atap ótpek.

«Elimizdiń kóptegen dańqty sportshylary «Dınamo» sapynda aq-kók tústi jeıdeniń namysyn qorǵady. Búginde «Dınamo» qatarynda bolý úlken abyroı men mártebe bolyp tabylatyny sózsiz! Jıynda áriptesterime artylǵan senim úshin úlken alǵysymdy bildirip, qoǵam jumysyna sáttilik tiledim», – dedi Dáýlet Turlyhanov.

"Dınamo" dene shynyqtyrý-sport qoǵamy qoǵamdyq birlestiginiń baǵyty – quqyq qorǵaý organdary men kúsh qurylymdary qyzmetkerleriniń dene shynyqtyrýyn jáne arnaıy daıyndygyn damytýǵa jáne jetildirýge kómektesý.